1
no didaka nakita, 'tanudko,
isuda a nagna't wasnay dana,
saanmon a ribkasen mugingmo.
'ti masakbayanyo ta ad-adu
'tay mangsaludsod sapay a ngata
saanda a nadlaw badbaddekmo?
nalabit nga agkamatada, o
ama ni aaron kaasiam ida,
adda kulapot 'diay mata -- pudno.
ammok dakkel met 'ta kuribotmo
ngem nagkiremda 'di labsandaka,
sadiay napukawdat' kinapudno.
panangunorda't dalanyo, adu
daytay babassit a nakitada:
ay-ayda pay, kuna ni 'tanudko.
no didaka nakita, 'tanudko,
isuda a nagna't wasnay dana,
saanmon a ribkasen mugingmo.
ammot' ama adda't barukongmo.
2
saanmo a pakadanagan 'diay
kinaawan panangikanoda
iti aramidmo agraraay.
daydiay kidser takdermo 'ti wasnay
pagpagnaan adda watiwatna
dakdakkel amang ngem dayta liday.
panagtaktakdermo't dana sadiay
aduntot' kaputotan 'tay adda
isagutda kenka di agsarday.
gapuna a punasemon liday,
atanudko, kaasiam ket ida,
isuda a naglabas kenka 'diay.
nakatakderka ngem isuda 'tay
nablo't pannakaitublakda't daga,
sika, atanud, 'tay ubbog ay-ay.
saanmo a pakadanagan 'diay
kinaawan panangikanoda
iti aramidmo agraraay.
sangnguanam agraem di agsarday.
1
no didaka nakita, 'tanudko,
isuda a nagna't wasnay dana,
saanmon a ribkasen mugingmo.
'ti masakbayanyo ta ad-adu
'tay mangsaludsod sapay a ngata
saanda a nadlaw badbaddekmo?
nalabit nga agkamatada, o
ama ni aaron kaasiam ida,
adda kulapot 'diay mata -- pudno.
ammok dakkel met 'ta kuribotmo
ngem nagkiremda 'di labsandaka,
sadiay napukawdat' kinapudno.
panangunorda't dalanyo, adu
daytay babassit a nakitada:
ay-ayda pay, kuna ni 'tanudko.
no didaka nakita, 'tanudko,
isuda a nagna't wasnay dana,
saanmon a ribkasen mugingmo.
ammot' ama adda't barukongmo.
2
saanmo a pakadanagan 'diay
kinaawan panangikanoda
iti aramidmo agraraay.
daydiay kidser takdermo 'ti wasnay
pagpagnaan adda watiwatna
dakdakkel amang ngem dayta liday.
panagtaktakdermo't dana sadiay
aduntot' kaputotan 'tay adda
isagutda kenka di agsarday.
gapuna a punasemon liday,
atanudko, kaasiam ket ida,
isuda a naglabas kenka 'diay.
nakatakderka ngem isuda 'tay
nablo't pannakaitublakda't daga,
sika, atanud, 'tay ubbog ay-ay.
saanmo a pakadanagan 'diay
kinaawan panangikanoda
iti aramidmo agraraay.
sangnguanam agraem di agsarday.