Iti panagkuyogta, dinayawmo't Simbaluca
Ti talon a naluomen dagiti dawana;
Dagiti nagdalapdap ken nagsabong a karabasa
Iti bangkag a daydayasan ti agsapa.
Iti sirok narukbos nga akasia,
Iti ungtot' bangkag a sakaanan ti turod,
Kinunam nga addaka kadagiti sanga
Ti nasam-it a musika.
Inis-isemam pay dagiti kulibangbang
Nga agsalsala kadagiti sabong-ruot,
Ken dagiti darangidangan a papaya
Iti bakras ti turod.
Iti tuktok ti bantay, intudom ti baybay,
Ti tanap a balitok, ti baresbes a kristal--
Saakto man la makitan ti ngayed dagitoy
No agsublikanto pay ditoy Simbaluca.
Iti panagkuyogta, dinayawmo't Simbaluca
Ti talon a naluomen dagiti dawana;
Dagiti nagdalapdap ken nagsabong a karabasa
Iti bangkag a daydayasan ti agsapa.
Iti sirok narukbos nga akasia,
Iti ungtot' bangkag a sakaanan ti turod,
Kinunam nga addaka kadagiti sanga
Ti nasam-it a musika.
Inis-isemam pay dagiti kulibangbang
Nga agsalsala kadagiti sabong-ruot,
Ken dagiti darangidangan a papaya
Iti bakras ti turod.
Iti tuktok ti bantay, intudom ti baybay,
Ti tanap a balitok, ti baresbes a kristal--
Saakto man la makitan ti ngayed dagitoy
No agsublikanto pay ditoy Simbaluca.